Na uma ona fasi le leoleo toe alu ma ave faamalosi i lana taavale mo le mamao e 1.5 kilomita.
O le po o le Aso Toonai na taumafai ai le leoleo e faatū le taavale i Hamilton, peitai a o faia ai ona tiute na oo ai ina feeseesea’i ma le avetaavale ma iu ai ina faamanu’alia fofoga o le leoleo, afaina atu ai ma ona oloa.
E ese na uma ona faaoolima i le leoleo ae toe alu ma ave i lana taavale.
E 18 tausaga le matua o le alii talavou Rotorua na toe maua mulimuli i lea lava po o loo lafi i luga o le laau ma saisai mai ai e leoleo ma faatalanoa ananafi, tālia ona moliaga o loo iloilo pea.
Ua toe tea i tua ma le falemai le leoleo ua faamanu’alia ma i faamaoniga mai le ofisa o loo ave ona aso malolo i le vaiaso atoa lenei.
O nisi o molimau na iloa ane le leoleo o alu le taavale ma toso, o lea na vili ai leoleo ma tuliloa le taavale a lē ua taofia i lenei mataupu.
Puna o Faamatalaga: Policeman beaten, ‘held hostage’ in alleged fleeing driver’s car in Hamilton | Newshub
