Fasi i le lotu ona o le faai’u 

O le lē fiafia o le tina i le faaaogā o le faai’u o lo latou aiga e faai’u ai le alo o lana tama teine na vaetama mai Samoa, na mafua ai ona fasi i luma o le lotu. 

O le vaiaso nei ua tulai ai Matalena Sowman i luma o le faamasinoga faaitumalo i Blenheim e tusa ma le mafuaaga na tulai mai ai lenei faaoogalima i le ekalesia i Blenheim lava i le Aso Sa aso muamua o Me. 

Ua ta’utino ai lē ua molia, o le faaaogā o le faai’u o lona to’alua Sowman i le papatisoga o le tama a lana tama teine fai na mafua ai ona fasi, ma o le gaioiga na ia faia o se aga ma se tu e a’oa’i ai. 

I le tali a le loia o loo tulai mo le itu tagi, e manatu a fai se lipoti faaleaganuu o le mea na tupu, e lē o se mea tatau le faaoolima i se isi i totonu o le lotu. 

Ua toe tolopo le mataupu a o faatonuina ai le feiloa’i o itu e lua. 
E toe tulai Sowman i le aso 11 o le masina fou mo le lauina o le i’uga a le faamasinoga.