Mo le lima ai lenei o tausaga sosoo o faapaleina pea Paris o le aai aupito i matagofie i le lalolagi.
O le laumua lea o Farani e pei ona silafia e le to’atele ua toe tula’i mai foi i le numera tasi i le faatulagana o aai aupito i mananaia ma aulelei i le lalolagi.
Fai mai ua atili faaopoopo ai le aofa’i o tagata e fiafia e asiasi i le aai i tausaga ta’itasi aemaise ina ua toe tatala le nofoaga o le Notre Dame ma le to’atele o i latou e fiafia i le taaloga o le soka o loo lolofi atu e maimoaina le Ipu lea na manumālō ai Paris Saint Germain mo le ulua’i taimi.
O le faamasinoina o lea faatulagana e silasila ai i le tulaga tau tulisi, faatumauina o le matagofie, tulaga o le tamaoaiga aemaise le soifua mālōlōina ma le saogalemu.
O le tulaga lua o Madrid, o Roma e sosoo ai, ma Milan i le tulaga fā, sosoo ai Amsterdam ma Barcelona o lona uiga ua fao uma e le Atu Europa tulaga lelei o lea tausinioga.
E lē o iai se aai o Ausetalia o aofia i le 10 pito i luga se’i vaganā Tokyo, Singapore ma Seoul o loo aofia i le top 10.
Puna o Faamatalaga: https://www.9news.com.au/world/paris-top-world-city-euromonitor-international-survey/cdb5fe81-bc17-45f5-b2da-acf7f546a1da
