Na fana le taavale a leoleo i Wairoa i le po o le Aso Toonai, ma ua ave ai nei tagata toalua.
A o tali atu leoleo i se tasi o valaau pe tusa o le ‘afa o le 10 i lea po, na faateia ai i le mea na tupu.
Fai mai leoleo sa iai i lea nofoaga, e talitonu o la latou taavale lava lea sa taulai mai iai le pulufana.
E ui i le taumafai o ē ua molia nei e sosola ese i se tasi o taavale ae sa lei mafai, ma o le asō e tutulai ai le 22 ma le 23 tausaga i luma o le faamasinoga faaitumalo i Gisborne.
E toa 24 tagata na molia e leoleo i totonu o le 24 itula e oo mai i le taeao ananafi, ona o moliaga eseese na faia uma lea i nofoaga ua matuai faaleagaina e le afā o Gabrielle.
