O loo sailia pea e leoleo i Melepone alii na fanaina le alii fusu faapolofesa o Sam Abdulrahim i Melepone i le aso ananafi. O le tagata na aafia e faaigoa o le The Punisher ma o se sui o le kegi a le Mongols, o loo i se tulaga tigaina i le falema’i, fai mai na fana e le tagata ae faato’ā aga’i ese mai ma se sauniga o se maliu.
E faaono na fana i le fanuatanu i Fawkner ma e 30 tausaga le matua. Fai mai e lē o fesoasoani i le su’esu’ega a leoleo o loo faia i le taimi nei ma ua maua e leoleo le taavale sa faaaogāina i le osofa’ia o le tagata lea ma maua iai i totonu se fana.
O loo faaauau le sailiga o tagata na faatinoina lenei solitulafono a o tālia ai foi togafitiga o le tagata fusu lea ma ua faailoa o se osofa’iga na fuafuaina lelei.
