O loo galulue nei leoleo i le faamautuina o faamatalaga e faatatau i le faalavelave na ta’ua mai i Brisbane i le asō na fanaina ai se alii ma maliu ai i luma o se fale i le faaitu o Corinda, i se nofoaga e lata i se aoga ma le childcare center.

Fai mai leoleo o le faalavelave na tupu i le vaveao analeila poo le tea o le tolu ma e talitonu leoleo o le tagata sa ia fanaina lē ua maliu ua agai ese mai ma lea faaitu.

Ua lapataia ai matua e masani ona agai atu e momli le fanau i aoga ina ia utagia nisi o vaega o le auala ua faasā a o faia suesuega. O loo feta’ua’ina o le ua maliu pe a ma le 30 tausaga le matua ae e lei faamautuina mai foi lona igoa.

Molimau nisi o aiga mai lea faaitu na o latou faalogoina le pa ane o se fana i le vaveao ae faatoa tetei ina ua tuitui atu leoleo ma faailoa ai e iai le tagata ua maliu ma o loo suesueina lea faalavelave.