E 43 tausaga o se tagata na alu ane ma se naifi tulou i leoleo i le po o le Aso Lulu ina ua valaau ane iai le latou fesoasoani i se fale i Sini.
Fai mai o le lata i le 12 i le po anapo na valaau ane ai leoleo ma le fesoasoani faavavave i se fale i Glebe ona o popolega i le saogalemu o se tagata.
E feta’ua’ina na ulufale atu ae faafeiloai ane e le 43 tausaga lea ma se auupega o le naifi, faaaoga loa e le isi leoleo lana taser ae fana e le isi leoleo.
Na togafitia lea tagata e paramedics ae na maliu ai lava i lea nofoaga anapo.
O loo faagasolo le suesuega i le autu o lenei faalavelave.
