O le a falepuipui mo le 5tausaga male 6 masina le tama lea sa ia faaoo manuaga I lona atalii. O Breen Makiri e faa 12 ona ia tatui lona atalii tulou ma sa ia fai I leoleo ana iai sana fana semanu nate fanaina ai lona atalii.
Lipotia ile Stuff ile aso le mataupu lenei ma ua tuuina ane ai le faasalaga a le faamasinoga ina ua tautino lea tama I ona moliaga o le taupulepule e fasioti ma le faaoomanua. E 63 tausaga o lea tama ma na lauina le iuga I le faamasinoga maualuga I Rotorua ae o le faalavelave na tupu ile aso lua o Aukuso ile tausaga na tea nei.
O nisi faamatalaga mai lea lipoti ua taua ai sa nonofo faatasi lea tama ma lona atalii I se unit e tasi le potu ma sa manao le tama e alu ese lona atalii mai lea nofoaga. O le po na tupu ai le faalavelave sa iai faatasi I laua ia I le fale ma se tasi o uo a le tama lea ma sa faasuaava foi.
Tupu ai loa ma se feeseeseaiga mulimuli ane lea na osofaia ai loa e le tama lona atalii ma o le uo lea sa iai na taumafai e taofi le tama ma ua taua ile lipoti e le taumate o le mafuaaga lea na faasaoina ai le ola o lona atalii.
