O lea ua tofu i le falepuipui le tagata lea sa ia gaoia dairies e fa i totonu o Kalaiesetete i totonu o le tolu aso a o ia faaaogaina fualaau faasāina o le aisa.
O Sam MacMillan 21 tausaga na lauina lona iuga i le aso ananafi i le faamasinoga faaitumalo i Kalaiesetete ma e 6 tausaga ma le lua masina lona faasalaga.
Sa faamaonia muamua i moliaga e fa o le gaoi, faaoolima ma le fuafua e gaoi, ave faasolitulafono o taavale ma le solia o nisi o tuutuuga o faasalaga ua tuanai.
Fai mai le lipoti a le stuff.co.nz o lea alii e iai lona talaaga i moliaga ma sa tulai ai foi i le faamasinoga o talavou ma sa faailoa iai e le faamasino Judge Jane Farish e tāua lona malamalama i le ogaoga o ana solitulafono.
Fai mai le faamasino ia MacMillan e le o toe iai i le faamasinoga o talavou i le taimi nei le Youth Court ma ua i le faamasinoga mo tagata matutua ma e ogaoga atu faasalaga mo solitulafono e pei ona aafia ai.
