Ua atoa nei le masina talu ona tuli le faasalaga faafalepuipui e fitu masina ma vaiaso e lua o se alii e 34 tausaga le matua, sa faigaluega o se avetaavale laitiiti la’upasese poo se ave taxi.
O lē na aafia sa i le vasega tausaga valu i se a’oga tulagalua a se ekalesia sa a’oga ai.
O le fale taxi sa galue ai lē ua nofosala e lē mamao ma le faleoloa o se supamaketi sa faagaioia e se tinā o lana tama teine na aafia ma molia ai le avetaavale laitiiti la’upasese i le solitulafono o le faaoolima matagā.
O lē na aafia e 13 tausaga lona matua i le taimi na tupu ai le solitulafono lea na tula’i mai i le aso 11 o le masina o Me o le tausaga na te’a nei.
Na ioe lē ua molia i le solitulafono o sona lelei lea i le silasila a le faamasinoga auā ua lē tula’i ai lē na aafia e toe faamatala le gaioiga na faatino ia te ia.
O se isi matāupu tau faamasinoga i lea lava ituaiga o solitulafono ua faasala tupe ai se alii talavou e 20 ma ona tupu tausaga le matua ma le tuutuuga a lē totogia le limaselau tālā o le tuuaofa’iga o lana sala, e lima masina e nofosala ai i le falepuipui.
O lē na molia i lea matāupu tau faamasinoga sa galue i se faleoloa supamaketi o le Farmer Joe, ae o se tinā talavou sa faigaluega ai i le kamupani na aafia ai i lana gaioiga solitulafono.
