O lea ua faafalepuipui le alii pese na malaga faapitoa lava i Amerika a o faia lockdown o le Koviti e aumai fualaau faasāina.
E latalata i le 20kg le mamafa o methamphetamine na ia tuua ai Niu Sila mo Los Angeles i le aso 2 o Me o le 2020 ma toe foi mai ai i le lima aso mulimuli ane.
O le alii pese ia Romney Fuki Fukofuka, e iloa ia Konecs o lea ua tuli nei ona faasalaga i le toese mo le 7 tausaga ma le 3 tolu masina.
O fualaau faasāina nei na aumai faananā i totonu o le atopa’u ma o lea sa fesoasoani iai George Aloha Taukolo, Faniel Ah Hong ma Mark Castillo poo i latou nei e faigaluega i le vaega o loo vaaia ato a pasese a le Ea Niu Sila i le malaevaalele.
O le tau faatusatusa o fualaau ua toe faasala ai nei le alii pese e i le va o le $7.8 miliona ma le $11.6 miliona.
Mai le vaega o tiute, e manino lava le feau, e aua le faia.
Ae i leoleo ma a latou suesuega a o lei alu le alii i Amerika, e iai nisi o ana valaau telefoni o lea na o latou mauaina.
