Ua faailoa ane e le Hai Komesina o Falani i Falani Polenisia le maua o le tusa ma le 4.87 tone o le cocaine i ona ogasami.
O faasalalauga a le RNZ ua ta’ua ai o le vaega faa’au’upegaina o leoleo a French Polynesia atoa ma le ausu’esu’e i le matāupu i nakoti na o latou faatautaia su’esu’ega ma ua ave ane foi ma le faamalo a leoleo a Ausetalia ia i latou nei auā ua ta’ua o ia fuālaau faasāina sa faamoemoe mo Ausetalia.
Lipotia foi e le Gulf News o le cocaine lea na ave ane i le vaa na maua iai ma faailoa ai foi e le ta’ita’i o leoleo a Ausetalia, Stephen Jay o loo galulue faatasi ma le ausu’esu’e a Falani Polenisia e su’esu’e i latou uma o loo aofia i lea gaioiga.
Na ia ta’ua foi o le aafiaga o ia fuālaau faasāina i komiuniti i Ausetalia ma le Pasefika e ogaoga tele ma i’u i nisi o faalavelave ogaoga ua tutupu i taimi ua tuana’i.
Puna o Faamatalaga: https://www.rnz.co.nz/international/pacific-news/584581/france-s-high-commission-reports-seizure-of-4-point-87-tonnes-of-cocaine-in-french-polynesian-waters
