David Seymour
David Seymour
Photo: Getty Images

Faitioina le malo I le tuuese o le 400 potu faanofoesea

Ao taufao e le toatele o tagata Niu Sila o loo poloka I atunuu mamao avanoa I nofoaga faanofoesea, ua faitioina e le taitai o le ACT le malo ma ana faaiuga

O lea ua faailoa o loo puipuia e le malo le tusa ma le 401 avanoa I nofoaga faanofoesea mai ia Oketopa mo tagata o le a auai atu I le faaaliga poo le Expo I Dubai

O le Expo lenei I Dubai o le a amata mai le uluai aso o Oketopa faatoa faauma ia Mati o le tausaga fou

Ao faalauiloa ai nei potu ua tuuese, ua faitioina e David Seymour le malo I le faamuamua o I latou nei ao lea o loo paso le toatele o loo I atunuu I fafo e saili mai ni o latou avanoa

Tala a le 1News o loo molimau ai le sooupu o nofoaga faanofoesea o potu ua tuu ese e mo tagata o le a faimalaga mo le expo lea o loo ave iai le faamuamua a le malo

Ua faaalia ai e nofoaga faanofoesea o nei potu o le a faaaogaina e tagata faigaluega a le malo, tagata faipisini faapea le au faafiafia toe foi mai le expo

Ae mai ia Seymour, ua tatau I le malo ona vaavaai e faalautele nofoaga faanofoesea e ala I le faaaoga o isi nofoaga o loo pulea tutoatasi ae o loo lelei tekonolosi toe saogalemu, ae le o le vaevae faapea I se tulaga e le o faia tutusa ai talosaga mo avanoa

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required