Ua folafola e le Malo se isi 128 miliona faaopoopo mo Iunivesite ma faatonuina le faia o se iloiloga i le faatupeina o aoaoga maualuluga ia i totonu o Niu Sila peitai fai mai le taitai o le National, Christopher Luxon o le Malo lava e tuua’ia mo faaletonu tau tupe ma sa lē tatau ona manaomia e iunivesite lea vaegatupe ua faamatuu atu pe ana faapea o latou o loo tulai mai i le faigamalo.
Fai mai Luxon i le Morning Report o le tuufaatasiga o polytech, le Te Pukenga sa avea o se isi faaalu taimi ma ua umi tele le taimi e tau faatosina mai ai e le malo tamaiti aoga faavaomalo i totonu o le atunuu ina ua mae’a le koviti.
Fai mai Luxon ua matuai paie ma faatuai Niu Sila i le mataupu lea ma ia tuua’ia foi le faigamalo i le faafoeina o le tamaoaiga o le atunuu, fai mai a ia, i lalo o le National e le oo le atunuu i le inflation ua iai nei ma le recession.
