E faitau afe na faatasitasi i Waitangi ananafi a o faamanatu e Niu Sila le 185 tausaga talu ona sainia lenei maliega.

O sauniga nei ananafi e le’i auai ai le Palemia, Christopher Luxon e pei ona mua’i faailoa mai ia Tesema o le tausaga talu ai, ma o lea na ia taliaina le valaaulia mai le Ngāi Tahu i Akaroa ma o lea na iai faatasi ma le Kovana Sili, Cindy Kiro.

I le saunoaga a le Palemia anaafi na ia ta’ua ai le tāua o le galulue faatasi o le malo ma tagata Maori.

Ae i sauniga i le malae i Waitangi ananafi, o lea na valaaulia uma lava ta’ita’i o pati ta’itasi ma tuu foi iai le avanoa, ma o lea na auai ai sui o isi uma pati, se’ia vaganā ai le NZ First ma le patī a Maori.

E pei ona masani ai i tausaga ta’itasi i aso mālōlō o le Waitangi, o lea lava foi na iai ananafi e pei ona iai le tele o sauniga na faia i soo se vaega o Niu Sila.

Puna o Faamatalaga: New Zealand celebrates Waitangi Day with haka, hīkoi and reflection