O le Itu Agai fou i le Atu Solomona ua o latou failaina nei se lu’i faaletulafono e faamalosia ai le Palemia o le atunuu o Jeremiah Manele ina ia usu loa le fono a le Palemene.
Fai mai le leitio faavaomalo a Niu Sila sa una’ia Manele ina ia usuia le fono a le Palemene i le mae’a ai o le aga’i ese o se vaega tele o minisita sa iai o lana faigāmalo i le vaiaso talu ai.
O le kulupu la na faauluina le lu’i lea ua latou faaigoa i latou o le itu agai fou ma ta’ua ai ua lē o toe ia Manele le to’atele o sui o le Palemene.
Fai mai Manele e le’i sauni e usuia le fono a le Palemene se’ia lava tapena komiti mo pili eseese.
O le lu’i ua ave i le Faamasinoga Maualuga e sa’ili ai se fesoasoani i fesili autū tau le faavae o le atunuu e faatatau i le usuia o le Palemene i le tulaga o iai nei.
E 19 minisita ua faamavae mai le faigāmalo a Manele ma le latou mau ua lē o toe faatuatuaina le alii Palemia.
Puna o Faamatalaga: https://www.rnz.co.nz/international/pacific-news/590759/solomon-islands-opposition-files-court-challenge-to-force-manele-to-convene-parliament
