Ua faigata ona toe foi fomai tausimai sa galulue i faletalimalo na avea ma nofoaga faanofoesea ia latou galuega masani sa iai i le falemai i Waikato.
Silia ma le 20 fomai tausimai sa galulue i potu faata, potu mo le maloloina o le mafaufau faapea vailaau, sa iai le faamoemoe e uma loa galuega i nofoaga faanofoesea toe foi i le falemai ia latou galuega tuai.
Peitai, e le o le tulaga lea e pei ona ripotia mai e le Herald. O lea ua logoina e le pulega o le a totofi e galulue e fesoasoani mo se taimi le tumau ma o taimi faigaluega foi poo sifi o le a o atu ai o le a totofi lava i soo se vaega o le falemai o loo moomia ai le fesoasoani.
Sau ai ma le faatonuga o ai e le o manao i le galuega e tuuina atu iai, e mafai ona ave aso malolo, peitai o nisi ua faaalia e le o iai ni aso livi. E le’o sa’o i le faalogo a le Minisita o le Soifua Maloloina Andrew Little lea tala, ma ua faaalia le faateia.
Mai le pulega o le falemai, o loo galulue e toe faafoi atu i latou nei ona e le’i taofia ai faaiuga a le pulega e ala lea i le faafaigaluega atu o isi tagata fou e suitulaga i galuega a i latou na o galulue i nofoaga faanofoesea. Ae mai tagata faigaluega ua toe foi ane, e le o ni faiga tutusa ia faaiuga.
