Ua iai le popolega I aafiaga o le long Covid poo aafiaga nei e faaumiumi ona lagonaina pea auga o le Koviti mo se taimi umi

I suesuega fou a le World Health Organisation ua maua ai o le kuata o tagata na maua I le Koviti e faalogoina pea auga mo le masina, ao le 10% o gasegae e oo atu I le tolu masina e faalogoina pea lagona ma’i

 O le faigata o le mataupu lenei ona e le I lava ni suesuega poo se vailaau foi e togafitia ai, ma ua iai molimau a nisi o tagata Kiwi na amata maua ia Mati o le 2020 e oo mai lava I le taimi nei ua le o toe mafai ona faigaluega full time ona ua le o toe tutusa le malosi

E ui o loo sau tala I suesuega o loo faia I totonu o Niu Sila, mai se tasi o tagata suesue o loo I lea kulupu suesue, e tele itu o loo faafaigata ai suesuega

Maua e tala fou toatele tagata Kiwi na maua I le Koviti o loo fai ma agai I fomai peitai e le o iloa poo le a tonu le faafitauli ona e le o iai ni siaki e iloa ai

Pau le fautuaga o loo tuuina mai o le aua le vavevave ae faalogologo pea I le malosi o le tino, ma saili foi se tasi e talitonuina e faasoa iai ona o nisi ua avesese e leai se long-Covid o le paie

E le o ma iloa se aso e faamaea ai suesuega a Niu Sila I le long Covid, ae mai tagata suesue ua faatalosagaina le tatau ona iai o se self-reporting system e mafai ona maua ai le toatele o tagata aafia