O lea ua folafola mai e le malo nisi tulaga o sā poo sanctions o le a faia faasaga i le atunuu o Rusia ma o le a agai sa’o lava ia sā i tagata taitoatasi e iai o latou sootaga ia Rusia ma lo latou taitai o Vladimir Putin.
O le folafolaga ua faia faatasi mai ma le uluai anniversary o le osofaia e Rusia o Ukraine i le tausaga talu ai ma ua tele soifua ua ma’umau ai aemaise aafiaga i soifua o tagata.
Fai mai le minisita o le va i fafo a Niu Sila, Nanaia Mahuta o le vaega lua lea o sā ua faia i lea atunuu ma o le a agai loa i o latou aiga.
Fai mai Mahuta o lea lava e valaau pea ia Rusia ia usitaia matafaioi e ao ona ia usitaia i lalo o feagaiga faavaomalo ma ia faamuta faiga faamalosi o loo faia ia Ukraine.
