O se taimi o lenei tausaga o le a tatala ai le nofoaga fou i Aukilani e faaaogā mo toleniga a leoleo faapei o le kolisi o loo iai nei i Porirua i Ueligitone.
O lenei nofoaga fou e faapitoa lea mo leoleo fou ma o loo iai le sini ia faaopoopo ai le isi 500 leoleo fou.
O le faasilasilaga lenei mai le komesina ia Richard Chambers i le taeao ananafi ma na ia ta’ua o le a fesoasoani tele foi i le faaitiitia o le taimi umi lea e 20 vaiaso e toesea ai sui faatalosaga mai o latou aiga ona o toleniga nei o loo faia i Ueligitone i le taimi nei.
O le nofoaga fou lenei mo toleniga i Aukilani, o le a mafai ai lava ona nofo le leoleo i lona aiga ma tausavali ma o lea foi ua amata mafai mai le asō ona filifili e le sui faatalosaga Aukilani e avea ma nofoaga e koleni ai.
Saunoa le minisita o leoleo Casey Costello i tala a le leitio faavaomalo a Niu Sila, o lona naunauta’iga ia avea le faia o le nofoaga fou lenei i Aukilani ma se isi auala e tosina atu ai tagata mai le aai tele e fia auai i le kolisi o leoleo.
Puna o Faamatalaga: New Auckland training facility hoped to boost police recruit numbers | RNZ News
