O loo faaauau pea ona finau le minisita o le soifua maloloina Andrew Little e tetee atu i nisi o faamatalaga e faapea e leai se mea o faia e le malo e faaleleia ai le tulaga o le soifua maloloina o le mafaufau i totonu o Niu Sila.
O le lipoti ua ta’ua ai le faaitiitia o tupe sa faamatuu ane mo le faatupega o polokalame tau gasegase o le mafaufau.
O faamatalaga foi e pei ona maua e le Newshub i lana lipoti ua ta’ua ai o le taimi nei e 608 moega i falemai mo gasegase tigaina ma o le numera lava lea sa iai mai lava i le 5 tausaga talu ai talu ona tulai mai le Leipa.
Peitai fai mai le minisita ua tele mea ua faia i le tulaga foi lea o gasegase o le mafaufau, ua le gata ina faaopoopo le aufaigaluega i auaunaga ia ma ua faaagaga foi le isi 100 miliona mo ana auaunaga i lenei tausaga.f
