I le mataupu ia Korea i Matu ma Amerika lea ua folafola i le asō e le tuafafine o le alii o Kim Jong-un, o Kim Yo-jong, o soo se gaioiga e fana ai i lalo missiles faataitai a lona atunuu, o se faailo lea o se taua ma ua ia tuuaia ai ma faataitaiga fai faatasi a le militeli a Amerika ma Korea i Saute mo le faatuputeleina o tulaga faapopoleina.
O sana faamatalaga lea sa faia ma ia faailo ai foi e ono iai ni missiles poo auupega faatonutonu alualumamao e fana e lona atunuu agai i le vasa Pasefika ma ia ta’ua ai o le Vasa Pasefika e le umia e Amerika poo Iapani.
O loo faatalia nei se tali mai a Amerika i ia faamatalaga.
