Ua uma le fono a le Council a Gore, ma ua le faamavae le pulenuu talavou ia Ben Bell.
E toatele tagata o le komiuniti na agai atu e lagolago le pulenuu a o faia le fonotaga ma councillors ananafi poo councillors nei na faatalosaga ia Ben ua tatau ona faamavae mai.
Peitai o se fonotaga na toe faasolomuli ai lea manaoga ma faatoese councillors i tagata o Gore.
Mai molimau a nisi o tagata na agai atu e lagolago le pulenuu, e le tatau ona alu ese le pulenuu o la latou palota lea sa faia ma e tatau ona amanaia.
E le gata i tagata o le komiuniti ae o lea na iai ma nisi o pulenuu mai itumalo tuaoi na faatasi atu ananafi e lagolago le nofo pea o Bell e faaauau lona tofiga faapulenuu.
Ae mo le pule sili ia Stephen Parry lea e lē lelei lo la va ma le pulenuu, e le o manino mai i le taimi nei poo le ã le tulaga ua iai, ae mai se tasi o tagata o le komiuniti na iai ananafi, o le pulenuu na tofia ae o le pule sili o ia ua na o se tagata faigaluega.
