Poo le isi ono masina ua toe sologa lelei faigamalaga a pasi a Aukilani.

O le tala lata mai lea mai le pulega a le Auckland Transport a o faaauau ai pea ona faaseā ma lē fiafia le toatele o tagata Aukilani ona o le aafia soo o femalaga’iga a pasi.

O le tausaga talu ai na amata tau sue ai ni avepasi ma o loo faaauau pea i le taimi nei.

I Aukilani lava ia e na o ia e tusa ma le 350 avepasi o loo tau sue, ma o le tele o nei avanoa faigaluega o lea ua saili mai atunuu i fafo.

E oo atu i le 2,000 malaga a pasi a Aukilani i totonu o le aso e tasi e aafia.

Ua fai mai ai o le faaiuga o Setema e tatau ona oo atu iai ua toe faafoi i taimi masani faigamalaga a pasi mo le aai pisi o Aukilani.