E 10 isi pulega fou mo le suavai, public water entities o le a faia e le malo i le mataupu e faatatau i le Three Waters Reform.
O le Palemia o le atunuu, Chris Hipkins ma le minisita o le faigamalo faalotoifale Kieran McAnulty na faatulaga le faia o a la saunoaga i Greytown i Wairarapa i le taeao analeila e faatatau i suiga aupito lata mai ua faia i Reforms nei e faatatau i auaunaga mo le suavai.
Na saunoa McAnulty i se pepa o faamatalaga, sa faalogologo le malo i finagalo faaalia o tagata lea e feeseeseai uma ona o le Three Waters Reform, ma o le a faamautinoa e le malo le faia iai o se faaiuga e silasila uma ai i vaega ma o latou aafiaga.
Na ta’ua e le minisita e matuai manaomia lava ona fai nei suiga poo reforms auā o le tuu ai pea o mea i le tulaga o loo iai o le a matuai le mafai ai lava e tagata ona totogi ia pili.
O le 10 entities la ua faailoa mai i le asō o le a aofia ai faaitu e pei o Northland, Aukilani, Waikato, Bay of Plenty, Taranaki, Manawatu-Whanganui, Tairawhiti/Gisborne, Hawkes Bay, Wellington, Wairarapa, Nelson/Tasman, Marlborough, West Coast, Canterbury ma Otago Southland.
