Ua faailoa lautele e le afioga Toelupe Maoiautele Poumulinuku Onesemo o loo tauaveina le tofi faipule o Falealili 1 le faaulu ai o sana talosaga i le Faamasinoga Maualuga ua tatalo ai e toe faia se iloiloga faaletulafono i le su’esu’eina o le tagi tau palota ma ona taualumaga sa faatino ai.
O se isi o vaega o lea talosaga o le faapafala lea o le malosi o le faai’uga ua faamaonia ai le moliaga e tasi o le faia o se gaioiga faaālatua, ae se’i tālia le iloiloga faaletulafono.
Ona o le talosaga ua faaulu i le faamasinoga ua faia ai le faai’uga a le afioga Toelupe e faamavae mai ona tofiga o le Kapeneta ae se’i tālia se ta’otoga i se finagalo o le faamasinoga i lana lu’i faaletulafono ua talosga ai mo se iloiloga faaletulafono ae lē o se talosaga apili.
Le afioga Toelupe Maoiautele Poumulinuku Onesemo.
