E $4.9 piliona lea na alu ai i luga le tau e totogi mo faalavelave o loo alia’e mai i totonu o fale faigaluega, ma o le faatusatusaga lenei i le va o le 2023 ma le $4.4 piliona o le 2022.

O le lipoti lea a le State of Thriving National ma e lē gata la i tupe o loo alu ai, ae o lea foi o loo sau ai toeitiiti o le ‘afa o tagata Kiwi o lea e aafia ai ona o faalavelave nei.

O faalavelave nei e tutupu i totonu o fale faigaluega o lea e maualuga ai Niu Sila ia Ausetalia i le pasene o tagata ua ma’umau ai soifua a o iai i galuega, lea e 60% e sili ai ia Ausetalia ae silia ma le 500% e sili ai ia Peretania.

O loo lomia ai foi o lea e tutusa lelei le taatiaga o tulafono o loo puipuia ai mataupu nei faaletulafono i le va o Niu Sila, Ausetalia ma Peretania, peitai e foliga mai e lē o maua lelei e Niu Sila.

Ua fai mai ai foi ma le lipoti ua moomia le faamalosia ma siitia le lagolago a le malo i itu tau le puipuiga faapea le mautinoa o loo malosi le mata’ituina o le saogalemu ma o lea ua faatalosagaina ai le minisita o le Workplace Relations ia Brooke van Velden ina ia toe silasila i faai’uga o loo sau ma le lipoti.

Puna o Faamatalaga: Cost of workplace accidents rises to $4.4b a year – report | RNZ News