Ua toe sau le faamanatu i tagata Niu Sila e faatumu pepa o le tusigaigoa ina ne’i faasala oe e totogi lau $2000.
E silia ma le 2.6 miliona tagata o lea na faatumu a latou pepa o le tusigaigoa e oo mai i le Aso Lua o le vaiaso nei poo le aso lea na faapitoa mo le tusigaigoa, peitai e na o le ‘afa lea o tagata.
E ui la ua uma le aso na faapitoa mo le tusigaigoa a le atunuu e le faapea o le a lē faatumuina ai lau pepa faatumu o lea lava o loo iai le taimi, ma afai foi ae le faatumuina o le a tuliloa e le aufaigaluega poo le oo atu i le ono faasala tupe.
O le pepa faatumu o le tusigaigoa e tatau ona faatumu e tagata uma e aofia ai ma i latou o loo asiasi mai i Niu Sila e oo mai i le aso 7 o Mati 2023, ma ua faaliliuina foi i gagana eseese e 29.
E pau tagata o loo umi le taimi ua tuu avanoa iai le malo e faatumu ai a latou pepa faatumu o aiga nei na matuai faaleagaina fale ma pusameli ona o lologa ma le afā.
