O le pepa o faamatalaga mai le ofisa ole malo I Samoa pei ona faamatuu mai I le au faasalalau ile aso ua faailoaai le faaiuga a le Kapeneta sa faia ile faaiuga o le tausaga na tea nei e faatatau I tofiga a le malo I fafo mai ole atunuu.
I le pepa o faamatalaga ua faailoa ai le toe faaauau pea o tofiga o le Hai Komesina o Samoa I Fiti,afioga Aliioaiga Feturi Elisaia, amupasa ma le sui o Samoa I le malo tele o Amerika ma malo aufaatasi, Fatumanava o Upolu Dr Paolelei Luteru, hai komesina o Samoa I Ausetalia nei, Hinauri Petana , amupasa o Samoa I Iapani, Faalavaau Perina Sila Tualaulelei.
O isi tofiga e aofia ai le hai komesina o Samoa I Niu Sila ua toe faaauau e le afioga Leasi Papalii Tom Scanlan mo leisi ono masina faaopoopo. E le gata ilea o le Konesula aoao o Samoa I Aukilani, Faolotoi Reupena Pogi, le konesula aoao o Samoa I Sini Ausetalia, Auseugaefa Vaasatia Poloma Komiti male komesina o fefaatauaiga I Aukilani, Magele Mauiliu Magele.
O isi tofiga ua iai suiga ma ole a mafai ona silasila iai ile upega tafailagi a le Radio Samoa.
