O i latou e soli le tulafono ma taulai osofaiga i taavale a auaunaga e ofoina fesoasoani faavavave poo emergency services, e ono oo atu i le 14 tausaga e faasala ai i le falepuipui i lalo o tulafono fou ua faataatitia nei i Kuiniselani.
O le tulafono e pei ona faailoa e le ABC o le a faalauiloa i totonu o le Palemene a le setete i le vaiaso fou ma o le a aofia ai ma ituaiga solitulafono lea e faaleaga ai taavale a auaunaga mo fesoasoani faavavave.
O lona uiga o se tasi na te soso’aina pe faaleaga se emergency vehicle e ono oo atu i le 7 tausaga le faasalaga i le falepuipui.
Fai mai le setete o Kuiniselani e pe ā ma le 60 mataupu faapea ua faaleaga ai taavale a leoleo i le tausaga lava lenei e ui e lei mae’a.
Fai mai leoleo ma le latou Minisita e fia faailoa atu i le ausolitulafono afai e taulai lau osofaiga i taavale a leoleo ma le falemai, ia e nofo sauni i sou faasalaga i le falepuipui.
Puna o Faamatalaga: https://www.abc.net.au/news/2024-04-26/tougher-penalties-for-ramming-emergency-service-vehicles/103771286
