Ua faamatuu atu foi nisi o poloaiga mo le agai ese loa o tagata mai le faaitu o Deniliquin lea ua oo atu iai le ma’ema’eā o tafega o vaitafe.
Ua fautuaina i lologa mai le pitonuu o Condobolli ma Euablong ae o loo faaauau ai pea galuega mo le toe faamamaina o pitonuu e pei o Forbes ma isi ona tuaoi lea sa matuai aafia foi i lologa i le vaiaso talu ai.
Ua ofoina nei e le Law Society a NSW le fesoasoani i mataupu tau le tulafono aemaise i mea ua faaleagaina i lologa.
O loo faaletonu lava le tau i le tele o vaega o Ausetalia. O Sini o loo aafia i matagi malolosi ma nisi vaega o loo aofia i lologa.
O loo lipotia foi le malolosi o matagi i Melepone faapea ma le to faatautau i Kuiniselani, timuga ma uila ma faititili e oso faafuasei i nisi o vaega.
