Ua poloa’ina e le Faamasinoga Sili a le atunuu le malo ina ia totogi pili a loia sa finauina le tagi, poo le su a lē sa avea ma Pelesetene o le Faamasinoga o Fanua ma Suafa, le afioga Letufuga Fepuleai Attila Ropati.

E $50 afe tala ua taunuu iai le faamasinoga i lana iloiloga o le totogi lea e agavaa iai loia sa finauina lea mataupu tau faamasinoga.

O le alii loia le afioga Fuimaono Sefo Ainuu na ta’ita’ia lea finauga ae lagolagosua iai le tasi o loia le afioga Faimalomatumua Mathew Lemisio.

Ua faaopoopo le limasefulu afe tala o le totogi o loia mo le itu tagi, i le aofaiga e $750,000 ua poloa’ina foi e le faamasinoga e totogi e le Malo i lē na tagi, e avea o se taui e tusa ai ma le faamutaina o lona taimi galue i le tofiga Pelesetene o le Faamasinoga o Fanua ma Suafa.

O lona uiga o le aofa’iga atoa o le tupe e totogi e le Malo ona o le faai’uga a le faamasinoga sili, e $800,000 afe tala.

O le masina o Iulai na aumai ai lea faai’uga na talia ai le finauga a le itu tagi.

Faailoa i lea faai’uga o le faamutaina o le tofiga Pelesetene ua lē ogatasi ma aiaiga o le Faavae, ma ua aafia ai le faasinomaga tutoatasi o le faamasinoga.

• ((i) the revocation of the Plaintiff’s appointment as President of the LTC and removal from judicial office pursuant to ss 67(6) of the LTA 2020 was inconsistent with the Constitution and offended the principles of judicial independence, and was therefore unlawful; and
• (ii) as a result, the Plaintiff is entitled to compensation in the sum of WST$750,000.)