Ua faatonuina le kamupani a le Helloworld e totogi le silia ma le 100 afe i tagata faigaluega e to’atolu sa faigaluega muamua i le kamupani ae na faamālōlō ona o vavao o le Koviti-19.
O le faai’uga na faia e le Employment Relations Authority poo le ERA ua silasila ai foi i le faatinoina e le kamupani o ana vaega ma ta’ua ai e faigata tele ona malamalama le tulaga o loo faatinoina ai ia auaunaga.
Ua ta’ua i le lipoti a le Newstalk ua iloa i su’esu’ega ua solia e le kamupani le tulafono Holidays Act 2003 i tulaga o le faatinoina o ana vavao i le masina o Mati 2020.
O le mae’a la o su’esu’ega a le ERA i le kamupani ma mataupu na lāgā e le aufaigaluega o loo aofia ua faia mai ai loa ma le faai’uga e pei ona ta’ua ma o loo ta’ua i le lipoti o loo tālia se faamatalaga mai le Helloworld e tusa o lea faai’uga.
