Ua lē fiafia le minisita i le tutaia o auaunaga a trains i Ueligitone ma ua faatonu ai le faia o se iloiloga vave.
O le faaletonu o se tasi o meafaigaluega e na o le pau foi lea i totonu o Niu Sila o loo faaaoga mo auala trains e le gata ua taofia ai nisi o malaga a trains i Ueligitone ae o lea ua tuu mai i lalo i le na o le 70km i le itula le saosaoa e feoai ai trains.
Na valaau ai e le minisita o femalaga’iga, Michael Wood le KiwiRail ananafi mo se faamalamalamaga i le mea ua tupu ae o le ā foi se tulaga ua iai, ma i saunoaga a le minisita e le o faamalieina i le tali a le KiwiRail.
Fai mai le KiwiRail o loo taumafai i le mafai e toe vave faafoi ai malaga a trains i le mea masani i le vaiaso nei.
I se saunoaga mai le minisita o State Owned Enterprises,Duncan Webb, ua ia faatonuina le faia o se iloiloga tutoatasi faasaga i le faaletonu o trains aemaise lava i Ueligitone ona e le fetaui le faitau piliona o tupe a le malo o loo sasaa atu e faaleleia ai feoaiga a trains ae o lea lava e le o tutusa le tali mai.
E maua le reviewer poo lē e faia le suesuega tutoatasi i le vaiaso nei, ona tālia ai lea o se faaiuga o le suesuega e lipoti mai i le masina o i luma auā lava le nofo silafia o tagata lautele.
Ua toe faatoese le KiwiRail i le mea ua tupu.
