Ua lata i le 30 tausaga o tautua, peitai o le aso ananafi lea na sau ai le tala o le a faamuta i le faaiuga o le tausaga nei le Fly Buys.
O le tausaga e 1996 na tatala ai e le Loyalty New Zealand lenei polokalame e aoao mai ai faamanuiaga mo tagata i taimi o fefaatauaiga, lea e mafai faaaogā i nisi o faatauga mulimuli poo le faaaogā foi e pa’ū ai le tau totogi mo oloa ma auaunaga.
Mai lea tausaga e oo mai i le 2022, ua 2.9 miliona ana paaga, tusa lea o le 80% o tagata Niu Sila.
Peitai o le tala na sau i tua ananafi, o le faaiuga o le tausaga nei e faamuta ai ona toe faaaogā taui poo rewards o loo maua mai Fly Buys, ae o le aso 31 o Oketopa le aso mulimuli e mafai ona aoao ai Fly Buys mai fefaatauaiga.
O le faatofa mai ai o le Fly Buys, o le a tapunia ai foi ma le Loyalty NZ.
Puna o Faamatalaga: Flybuys announces closure after nearly 30 years | Newshub
