Ua faamavae se tasi o sui sinia o le Labour, o ia foi sa avea ma Sui Palemia i le nofoaiga faatoa uma atu, Grant Robertson.
O lea ua faailoa mai ua faamavae Robertson mai polokiki, ma o le a faatasi atu e avea ma Vice-Chancellor o le Iunivesite o Otago.
O se tasi o tamalii e 6 tausaga o tauavea le tofi minisita, ae 15 tausaga o ia o se alii faipule.
O le tuua ai o le Labour ma ona tofiga i itu tau tupe a le Itu Agai, o lea ua suitulaga ai nei le faipule o Mana, Barbara Edmonds.
O le filifilia ai o Edmonds o ia o le uluai tamaitai ma o ia foi o se Pasefika ua avea ma sooupu o itu tau tupe a le pati a le Labour.
