Ua faaauau pea ona faatoese le premier o Niu Sa Uelese, o Dominic Perrottet i lona ofuina o le ofu Nazi i le faamanatuina o le 21 o ona tausaga.

O se mataupu na tele ai faitioga faasaga ia te ia. Sa tuifesili ai foi e le autusitala i le vaiaso nei a o faia sana faamatalaga e faatatau i le falemai fou o loo faia ai galuega i Ryde i le itu i Matu i Sisifo o Sini. 

Sa ia tusia foi se tusi faatoese i le faalapotopotoga o tagata Jews i Niu Sa Uelese ona o le toe faamanatu ai o sauaga aemaise o taimi faigata sa feagai ma o latou tagata i taimi o pulega a le Nazi.

E ui i le mau faitioga o le premier ae o loo tumau pea lona faatuatuaga o le a toe tulai mai i lona tofi i le mae’a o le palota o loo fuafua mo le masina o Mati.