Ua faatoese le minisita o aoga mai le itu i Saute o Ausetalia i le tamā o se teineititi na faaoolima iai se isi tamaititi aoga i le aoga i Eyre Peninsula High.
Fai mai lipoti na takiki vaega o lona tino tulou faapea le ulu i se osofaiga na pueina ata i luga o se telefoni feavea’i ma faaalu i luga o le social media.
Saunoa ai le minisita o aoga o Blair Boyer, o loo taumafai pea si teine aoga na aafia e faate’a ese le mea na tupu ma ua faatoese atu i le aiga o si teineititi.
Fai mai na feiloai ma le tamā o le teineititi i le aso ananafi ma faamatala ane foi e le tamā aafiaga ua iai si ona afafine talu lea faafitauli aemaise o loo iai vaega o lona tino ma foliga o loo aafia.
Ua feiloai foi le minisita i le pule aoga ma faiaoga e tusa o lea mataupu.
