E leai se tausaga e faamauina ai le lē iai o se tagata e maliu pe maumau sona ola a o iai i taelega i le sami. Ma ona o lea tulaga o lea ua faailo ai le agai ai o le vaega ua ta’ua o le Tāmaki Makaurau Ethnic Services Team e faatulaga se faatasiga, o se polokalame faalauiloa mo tagatanuu o Piha, e fesoasoani atu ia i latou e saga faalauaitele le malamalamaaga i vaega uma o saogalemu pe a agai i le tai mo taelega, i taimi o fiafiaga ma faatasiga.
O se tasi o polokalame ua faatino ia mafai ona tali atu i le maualuga o le numera tagata malelemo.
I faamaumauga o le tausaga talu ai, e 74 tagata na maliliu pe na malelemo i totonu o Niu Sila, 39% o lea numera o tagata e iai sootaga faaleaganuu poo i latou o ethnic communities.
I lea faatasiga na maitauina le a’oa’oina lelei o sui auai i le faaaoga ai o le ofu faaola, o metotia masani mo le puipuiga.
O lenei polokalame na mafai ona faatino tauala mai i le faigapaaga a le Tāmaki Makaurau Ethnic Services Team ma le Auckland Council faapea ai ma sui o faalavelave tutupu faafuase’i
Puna o Faamatalaga: https://www.police.govt.nz/news/ten-one-magazine/beside-seaside-%E2%80%93-safely
