O lenei vaiaso sa faatinoina ai le aoaoga a sui mai le Pasefika i lalo o le faamalu a le polokalame ua ta’ua o le Pacific Agreement on Closer Economic Relations Plus (PACER Plus)
O lenei aoaoga sa faatāuaina ai le faasoa o manatu i mataupu sa aoaoina e mafai ai ona faatuputeleina le tamaoaiga o atumotu o le Pasefika.
Saunoa le sui a le Pacer Plus, Roy Lagolago i le tāua o lenei aoaoga.
“O se laasaga tāua tele lea mo sui o le Pasefika ua auai i lenei aoaoga ina ia atina’e le gafataulimaina ma le faaaogāina o fefaataua’iga o auaunaga i lalo o le maliega a le Pacer Plus.”
O nisi o vaega sa talanoaina e aofia ai faamaumauga i auaunaga fefaataua’i, e mafai ai ona faia faaiuga mo le alualu i luma o le atina’eina o le tamaoaiga.
E aofia ai foi Papuipui o Fefaatauaʻiga Restrictiveness Index, o se meafaigaluega tāua mo le fuaina ma le faatusatusaina o fefaataua’iga i le vaega o auaunaga.
Na suesueina pe faafefea ona faia se sao tāua i le faailoaina o papuipui o fefaataua’iga, faaleleia le manino, ma le faalauiloaina o suiga faatonutonu.
O faatalanoaga na faailoa mai ai le tāua i le itulagi o le Pasefika ma le ono mafai ona faaleleia atili le tuufaatasiga faaitulagi.
O le Pacer Plus e na o le pau lea o le Maliega Fefaataua’iga Saoloto i totonu o le Pasefika ua amata faamamaluina, o loo iai le vaega o Fefaataua’iga.
