Na ta’ua e le alii Minisita o loo fitoitonu ma le Kamupani Vaalele ia Leatinuu Wayne Sooialo, o loo faia faatalanoaga ma nisi atunuu tuaoi i le tulaga tau faigapaaga.
Sa ia faailoa foi e iai faafitauli i le aumai o le vaalele ona o le tamaoaiga o le Samoa Airways lea na ia ta’ua e lē o iai lava se tupe, ma ua lē o toe tuuina atu e le malo se tupe, o le ala lea o le taumafai o aiaiga ina ia faapisinisi ma ia faatino se atinae e aunoa ma se aitalafu.
Ua faaali manino foi o tatou atunuu tuaoi lea o loo aga iai faatalanoaga nei ona o le tulaga faigata o atunuu tetele e talanoa i faiga paaga ae o loo iai tupe peitai o le Samoa Airways e talanoa e leai lava ma se tupe o iai.
Ua faailoa la e lē o toe mamao foi talanoaga nei mo se vaalele auā lo tatou atunuu femalagaa’i.
