Ua ofoina e le vaega o le tineimu i le setete o Niu Sa Uelese le faia fua o le latou auaunaga e faapipii smoke alarms i fale o aiga ia faaitiitia ai le tutupu mai o faalavelave o afi e sasao ane i fale ma aafia ai soifua.
E le’i leva atu nei ona maitauina le faatupula’ia o faalavelave faapea aemaise lava i Sini ua aafia ai le tele o soifua ma meatotino ae mafuli lava ona lē iloa le taimi e sasao ane ai le afi i fale ona o le lē ola o smoke alarms.
Faailoa e le minisita o faalavelave tutupu faafuase’i Steph Cooke e mafai e aiga o loo maua lea fesoasoani ona valaau ane i le ofisa o le tineimu i o latou lotoifale mo le faatino o sea fesoasoani.
O le polokalame ua faaigoa e le tineimu o le Safety Visits ua fautuaina ai tagata ia silasila ma le toto’a i tulaga e pei o le faamautinoa o loo ua tapē lelei le ogaumu pe a mae’a ona faaaogā, faamamao ese iefaamalama, lavava ma meafale mai masini heaters, aua le soona tele ni mea e faaaogā ai palaka o le fale ma aua le faaaogāina i totonu o fale, nisi o masini kuka e faaaogā i fafo.
