O ofisa su’esu’e i Ausetalia faapea ma ana paaga le Five Eyes ua o latou faia se fuafuaga e tuuina atu ai se lapata’iga e taofia ai gaioiga e feliua’ina ai mafaufauga o talavou agai i talitonuga faatupu faalavelave ma manatu fouvale.

O lea laasaga ua valaau ai foi i tagata uma, mai matua e oo i faiaoga faapea tagata faigaluega i le Soifua Maloloina ma isi auaunaga ina ia tutū faatasi e tetee atu i nei ituaiga amioga ua aafia ai le toatele o le tupulaga talavou ae lē gata i lea o le toatele o tagata talavou ua aafia i mataupu tau faatupu faalavelave i atunuu e lima o le Five eyes.

I se vaega o le Five Eye Insights ua tā’ua “The Young people and violent extremism“, ua agai iai lenei taumafaiga; ua talosaga ai i atunuu uma e lima ma le ASIO ina ia galulue faatasi.

O isi atunuu o loo i lalo o le Five Eyes, e aofia ai Amerika, UK, Kanata, Niu SIla ma Ausetalia. Saunoa le faatonu o le ASIO, Mike Burgess ua lilifa le mamafa o le fuafuaga i tupulaga talavou, ina ua māua i uluai sa’ili’iliga le tulaga faapopoleina ua iai nei i lea mataupu.

Faamauina pe a ma le 20 pasene o mataupu tau gaioiga faatupu faalavelave ma gaioiga fouvale i totonu o Ausetalia efaatino e se tagata talavou ma ole toatele o loo faatino ia tulaga taufaamata’u e mātele lava i luga o upegatafailagi.  

Puna o Faamatalaga: https://www.9news.com.au/national/asio-five-eyes-security-agencies-take-unprecedented-step-to-fight-youth-terrorism-threat/45b06f67-eb4f-42d2-86fc-2b8c6ffb79af