O le aso a taeao lea ua lipotia i le One News o le a faatauto ai Chris Hipkins e avea ma le isi Palemia o Niu Sila ma ua ia ta’ua ua tele le lagolago ua ia maua ma ua nofo sauni foi mo sia luitau fou.
Ua saunoa Hipkins i le faatalanoaga i luga o le Breakfast i le vaiaso nei lea na ia faailoa ai o mataupu e pei o pili o faatauga a tagata, o a latou pili moli ma interest o mokesi o nisi ia o mataupu o loo feagai ai tagata ma luitau i lenei vaitaimi ma ua ia faaalia e fia faamautu i tagata o le atunuu o lea ua faafofogaina mataupu o loo mananao e taulai iai le latou taitaiga ma e le o iai foi ni tali vave o nisi o mataupu.
O lē sa avea muamua ma Palemia o Niu Sila, Helen Clarke ua ia faailoa foi i le polokalame lava lea i le vaiaso nei e tele lona faatuatuaga ia Hipkins ma o ia o se tagata na te faatinoina mea e manaomia ona fai, ma e manatu o le tulaga tonu lea o loo mananao iai tagata Niu Sila.
