Na faamamafa le saunoaga a le Tamaitai Palemia i le faatautoga o Minisita Lagolago i matafaioi a le Minisita Lagolago e ala lea i le galulue faatasi ma le Minisita i le lautele ma le loloto o galuega fai i totonu o se matagaluega, ma e lua itu e tiloilo iai, o le tofi faipule, atoa ai ma le tofia i le li’o o le pulega.
Sa faailoa e Fiame e tāua ona silafia o i latou na filifilia mai e le atunuu ma e amata mea i latou i le faapupula atu o le tulaga tāua o Pulega lelei.
O Minisita Lagolago e toatolu e aofia ai Tuu’u Anasii Leota ua tofia ai nei i le Matagaluega o Leoleo ma Falepuipui, o Ale Vena Ale lea ua filifilia i le Matagaluega o Tiute ma Tupe Maua, faapea ai Mau’u Siaosi Puepuemai lea ua tofia i le Matagaluega o Galuega, Fela’ua’iga ma Atinae.
