O loo iai le fuafuaga a le vaega faaupufai a le National e faataunuu pea le latou fonotaga faaletausaga e ui ua faasee atu le fonotaga a le vaega faaupufai a le Green e faia i luga o upega tafailagi i le faai’uga o le vaiaso ona o le faatupula’ia pea o le aofa’i o tagata e aafia i le Koviti-19.
O le faamatalaga mai le sui ta’ita’i o le National, Nicola Willis na ia ta’ua e ui i le maualuga o le aofa’i o tagata aafia, o le a ia lē alofia ai ni faapotopotoga tetele. O le a ia faaaogā se talifofoga i potopotoga ia ma o loo fuafua e faataunuu pea le fonotaga a le vaega faaupufai.
Talu ai nei sa upuia ai foi le Palemia ma le lata i le 120 o faipule talavou i sa latou ata sa tuuina i le social media o loo pu’eina i le nofoaga o le Palemene e aunoa ma ni talifofoga.
