Molimauina i le asō se vaega tele o alii a tamaitai faiaoga ua savavali ese ma a latou galuega i le asō i le faataunuuina o le latou solo tetee e pei ona lipotia atu foi muamua ma o le savali aupito toatele lea ua faia e le vaega o aoaoga talu mai le 2019.

Ua iu ina tapunia ai ma le tele o aoga i le asō ona e oo atu i le 800 afe tamaiti aoga e aafia ai aoaoga.

Sa faailoa i lipoti i le asō mai se tasi o sui o loo tuufaatasia lenei solo tetee pe ā ma le 9 afe tagata ua auai ane i le solotetee i Aukilani lava ia ma o totogi lava o loo auga iai finauga atoa ma le faaleleia o vaega mo le faatinoina o auaunaga faafaiaoga.

O ananafi na toe feiloai ai foi le matagaluega o aoga ma le NZ Education Industry mo le sailia o se maliega i le mataupu peitai e lei ausia lea tulaga ma ua feta’ua’ina mai le talosagaina o se isi feiloaiga i le vaiaso fou.

E molimauina le toatele na auai i le savali pe silia ma le 50 afe o faiaoga ma ē o loo lagolago i le latou finau.