Na alu ane lava le alii iloga a Ausetalia i le soka, Tim Cahill ma faamaoniga o lana komiuniti ia te ia ina ua tula’i mo le ulua’i taimi i le mae’a o le 5 tausaga i se malae sa faia ai se sauniga faapitoa i Sini.
Ta’ua i lipoti o loo faapaaga Tim ma le PacifiCast i le tuuina atu o le 200 pepa matamata i le komiuniti o le Pasefika i Sini ina ia auai ai i le Joga Benito Tour lea o le a taaalo ai lana ‘au ma Brazil.
O lana ‘auvalaaulia e aofia ai tagata taaalo e 30 mai taamilosaga sa faia a le Pacific Fives sa faia i le amataga o le tausaga.
Saunoa Tim, mo ia o le foa’i atu o nei pepa matamata i lana komiuniti aemaise i kalapu na amata ane ai e ese le matagofie aemaise o loo iai sui o Samoa ma isi atumotu o le Pasefika o loo i Ausetalia nei.
O Tim Cahill o se alo foi o Samoa i le itu o lona tinā ma e mitamita i tū ma āga a le atunuu, fai mai a ia o lona tuputupu a’e i Samoa na a’oa’oina ai o ia i le tāua o le aiga ma tagata.
Na faaleo foi lana faafetai i le lagolago a Samoa ma le Pasefika i ana taumafaiga, fai mai a ia e na te matuā faatāuaina.
Puna o Faamatalaga: https://www.abc.net.au/pacific/tim-cahill-wears-his-heritage-on-his-sleeve/104576442
