Ua faatalosagaina se fesoasoani a le malo a o sau ai tala ua gau le Ruapehu Alpine Lifts Limited.

O lea ua filifilia sui mai le PwC na te tauavea le kamupani o loo pulea le Whakapapa ma le Turoa Ski i le ogatotonu o le North Island, a o taumafai ai e totogi ana aitalafu faapea le taumafai ia laveai mai le ono tapunia poo le voluntary administration.

O se faaiuga ua talosaga ai le councillor o le itumalo o Ruapehu agai i le malo, Janelle Hinch mo sana fesoasoani.

Ta’ua i se pepa o faamatalaga e lei faigofie le gau o le pisinisi i totonu o le tolu tausaga ua alu ona o le Koviti, faapea ai ma aafiaga o le tau.

Na faamautinoa mai ai foi e le councillor o lea sa faatalosaga e le kamupani le malo mo se fesoasoani, ma e ui o lea sa maua e lei mafai ai ona faafeiloai le tele o le manao.

O faaseega nei i le mauga aisa o loo maua ai galuega a le tusa ma le 700 tagata faigaluega, ma o se aafiaga tele lea mo le komiuniti pe afai ae tapunia.