Ua toe apili e le alii faasalalau o Nate Nauer lona faasalaga.
O loo lipotia e le NZ Herald i le vaiaso nei o Nauer na faafalepuipuiina i le masina o Me ona o le mataupu i le teuina o tupe faasolitulafono money laundering ma valaauina le apili i le vaiaso nei i le Faamasinoga Maualuga i Aukilani.
O le faasalaga sa tuuina ia Nauer e le Faamasinoga Faaitumalo e lua tausaga ma le iva masina ina ua ia ioeina moliaga.
Ua faailoa i le lipoti ua taofia mo le taimi nei le faaiuga a le faamasino i le apili ma o le a faailoa mai i se faaiuga tusitusia i ni nai aso poo vaiaso o lumanai.
